Karibu mũtandaoni wa Kĩrĩkanĩro kĩa Gĩchuka

Nĩ wega nĩ ũntũ wa gũũca mũtandaoni ũyũǃ

Maono na Mworoto wa Gũtaũra Kĩrĩkanĩro

Mworoto wetũ nĩ Gũtaũra Kĩrĩkanĩro kĩa Gĩchuka bamwe na mbuku irĩa ciĩngĩ irĩa ingĩkũria rũthiomi rwa Gĩchuka, na igatethia Achuka makamenya kũthoma na kwandĩka rũthiomi rwao.

Twiũ tũtĩ mĩbaka ya ndini, ĩndĩ tũrutithanagia wĩra na antũ ma kanitha cionthe, nĩ kenda tũbunjie Nteto Mbega cia Kiristũ na njĩra ya kũnenkera Mũchuka Kĩrĩkanĩro kĩa rũthiomi rwawe. 

Tũrĩ na wĩtĩkio atĩ mĩtũũrĩre ya antũ ĩkagarũrũka rĩrĩa antũ magatũmĩra kiugo kĩa Ngai na rũthiomi rũrĩa maicĩ mũno.


Gospel of Luke in Chuka Language

Ntukũ ya Kwamũra Mbuku ya Ruka na rũthiomi rwa Gĩchuka. Mũtungatĩri Prof. Watson Omulokoli agwete Mbuku ya Ruka.

Cinema ya Njĩcũ

 

Ntukũ ya Kũrugũria Cinema ya Njĩcũ ya rũthiomi rwa Gĩchuka, tarĩki 10 mweri Wena, 2019 Kanithani ya PCEA Chuka Town.

Ntukũ ya Kũrugũria Cinema ya Njĩcũ ya Gĩchuka

Woone Cinema ya Njĩcũ kuuma mũtandaoni

 wegua ũrĩ na thimũ ta Samsung, Techno, Oppo, Asus, Itel, Cubot na ciĩngĩ ta inu cia Andiroindi.

Kĩrĩkanĩro gĩkĩ kĩa thimũ kĩrĩ na mbuku 7. Nacio  nĩ Ruka, 1 Akorintho, 2 Akorintho, Agaratia, Aebeco, 1 Athecaronika na 2 Athecaronika. 

Mweri Wetano ũkĩthira, tũkoongerera Mbuku ya Wĩra wa Atũmwa.

Wenda kwĩbũra Kĩrĩkanĩro kĩa thimũ cia Windows bamwe na cia iPhone bibinya baba... 

Nwa wĩbũre Bloom Beta Reader kuuma Google Playstore, ũkĩnekĩra thimũni yaku na ũkabota kũthoma mbuku mĩngĩ irĩ na ngono cia Kĩrĩkanĩro, na nĩ mbega mũno cia kũthomithia ciana cia Candĩ

Ino nĩ mbuku irĩa ũnkĩbota kwĩbũra kuuma mũtandaoni ũyũ, ũkĩnaciĩthoma na Bloom App.

  •  Njĩcũ aboria kĩonje-Chuka.epub

    Download1.25 MB

  •  Njĩcũ arũngamia kĩbuubani-English.epub

    Download1.36 MB

  •  Nkoma ageria Njĩcũ-Chuka.epub

    Download


Prof. Njoka and Bishop Gitari

Kuuma ũmothoː Mũcikabu Sammy Gitari wa kanitha ya GCC marĩ na Mũtirĩrĩri wetũ wa Mũrandi wa Gũtaũra Kĩrĩkanĩro Prof. Erastus N. Njoka, mũthenya wa kwamũra Mbuku ya Ruka tarĩki 28 Mweri wa Mbere 2017.

Gĩkeno gĩa kwĩgwatĩra Kĩrĩkanĩro

A woman reading the Bible

Mũntũ mũka ũmwe akĩthoma Kĩrĩkanĩro na rũthiomi rwawe.

Gĩkundi gĩa kũgona ngono cia Kĩrĩkanĩro cia Gĩchuka

Gĩkĩ nĩkĩo gĩkundi kĩrĩa kĩgonaga ngono cia Kĩrĩkanĩro na rũthiomi rwa Gĩchuka.

 
OBS Team

Gĩkĩ nĩ gĩkundi kĩa OBS kĩrĩa kĩgonaga ngono cia Kĩrĩkanĩro na rũthiomi rwa Gĩchuka. Kuuma ũmothoː Mercy Kĩthĩnji, Betty Mũtegi, Joseph Mũtuĩri na James Gĩchũrũ.

An elderly man in Chuka reading the Bible

Mũkũrũ wa kuuma Ciambaraga, Chuka akĩthoma Mbuku ya Ruka.

Ciatho irĩa mbetũku

Kwonania Cinema ya Njĩcũ Thokoni ya Ĩkũũ

Tarĩki 21 Mweri wena 2019.

Thaaː Kuuma thaa ikũmi na ciĩrĩ cia kĩbwaĩ

Tũgwatanĩrĩte na Kanitha ya KAG Ĩkũũ

Kwonania Cinema ya Njĩcũ Kanithani ya PCEA Mũgwe 

Tarĩki 22 Mweri wena 2019.

Thaaː Kuuma thaa ikũmi na ciĩrĩ cia kĩbwaĩ

Tũgwatanĩrĩte na Kanitha ya PCEA Mũgwe.

Nkinya rĩu ũgu, Cinema ya Njĩcũ yonanĩtue Mũtũbe, Ndagani, Karandini, Kĩbũgua, Kangũtũ, Kambandi na Werũ.

  • Antũ nkũrũki ya 2,000 nĩmamĩonete na antũ ta 280 nĩmetĩkĩrĩte Mwathani Njĩcũ Kiristũ atuĩka mũbonokia na mwathani wao. Tũciokerie Ngai nkaathoǃ  

Kwamũra Cinema ya Njĩcũ na rũthiomi rwa Gĩchuka.

Ntukũ ya Kwamũra Cinema ya Njĩcũ ya Gĩchuka, Kanithani ya PCEA Chuka.
Atungatĩri makĩamũra Cinema ya Njĩcũ tarĩki 10/04/2019 Kanithani ya PCEA Chuka

Ntukũ ya Kwamũra Mbuku ya Raka (Mweri wa Mbere tarĩki 28 2017)

Atungatĩri na Athuri ma Kanitha cia Chuka makĩamũra Mbuku ya Ruka ĩrĩa yandĩkĩtwe na rũthiomi rwa Gĩchuka, tarĩki 28 Mweri wa Mbere 2017 Kĩbaaroni gĩa Chuka PCEA.

Ntukũ ya gũkenerera kũthoma na kwandĩka, ya nthĩ yonthe (Tarĩki 8, Mweri wa Kenda)

Mwaka ũyũ, Ntukũ ya gũkenerera kũthoma na kwandĩka, ya nthĩ yonthe ĩgakenererwa mũthenya wa Wetano tarĩki 7 Mweri wa Kenda, 2018.

International Literacy Day Celebrations
Ntukũ ya nthĩ yonthe ya gũkenerera kũthoma na kwandĩka, Kĩbaaroni kĩa DC Chuka.

Ntukũ ya Nthĩ yonthe ya Rũthiomi rwa Maitũ (Tarĩki 21, Mweri Waĩrĩ) 

Bibinya baba wegua nĩ ũkwenda kũmenya maũntũ megiĩ Mũthenya wa gũkenerera Rũthiomi rwa Maitũ Mwaka wa 2018.

International Mother Language Day
Mwandĩki wa Kĩrĩkanĩro gĩa Kĩtharaka akĩarĩrĩa Mwĩngĩ Ntukũ ya Nthĩ yonthe ya Rũthiomi rwa Maitũ, kĩbaaroni gĩa Kĩbũgua.

Mũtũũrĩre wa Achuka

Mũchuka wa Karaca a-rĩ na mĩtugo yawe na ya-rĩ ya mwanya mũno na atũũri mawe tamo Atharaka, Ambeere, Aembu na Mũthambĩ. Mĩtũũrĩre ya Achuka nĩyonekaga wacũtha ũtumi wa nyomba ciao, nguo irĩa mekagĩra na nkinya maũntũ marĩa Achuka marũthaga kenda mabota kwona mbeca na irio.

Achuka

Achuka matũũraga Kaũntĩ ya Tharaka Nithi, Kenya. Kũringana na gũtarwa kwa antũ kwa mwaka wa 2009, Tharaka Nithi ĩrĩ na antũ356,330. Antũ 48/100 nĩ arũmwe na antũ 52/100 nĩ aka. Antũ marĩa engĩ mũno kaũntĩni ĩno nĩ antũ ma rũthiomi rwa Tharaka, Mwĩmbĩ, Mũthambĩ na Chuka. Gũtĩwe wicĩ Achuka monka nĩ megana, nĩ ũntũ bĩndĩ ya gũtarwa kwa 2009 Achuka ma-tarirwe makĩringanĩrwa marĩ bamwe na antũ ma mũgongo wa Meru yonthe. Ĩndĩ kũringana na Ĩbuku rĩa ethnologue (1980) Achuka nĩ ta antũ 70,000, na bĩndĩ ĩnu antũ nwaka mo-ngererekaga na karũgĩ. Ũmũnthĩ nwa tuuge Achuka nĩ ta antũ 160,000.

Gĩchuka nĩkĩbuanene na Kĩtharaka mũno, na nkinya nthiomi irĩa irigicĩrĩtie Achuka. Kĩbuanene na Kĩembu [ebu] maita 73/100, kĩabuanana na Gĩkũũ [kik] maita 70/100, Kĩmĩĩrũ[mer] maita 67/100, na Gĩkamba [kam] maita 63/100.

Maabu ya Chuka

Location

Mũtũrĩre wa Mũchuka

Achuka matũũrĩte marĩ na thaayũ na atũri mao gwa kabinda karaca mũno. Atũũri mau nĩ Mũthambĩ, Tharaka, Mbeere na Embu. Ngono cietũ cia gĩtene ciugaga Achuka na Atharaka ma-rĩ ciana cia ĩthe ũmwe tawe Ciambugi. Nawe Ciambugi a-rĩ na aka maĩrĩ, tamo Ciambandi na Ciangoi. Ciambandi akĩthaama akĩthiĩ gũtũũra Tharaka agĩciara Atharaka, nawe Ciangoi agĩtigwa Chuka agĩciara Achuka.

Kũrĩ Achuka, gũtaanwa gwa tũbĩcĩ nĩ kĩatho kĩa bata mũno kũrĩ mũtũũrĩre. Ntaano cia Mũchuka irĩ mũkũũrani na cia mĩgongo ĩrĩa ĩngĩ, na rũtaano nĩru rũtũmaga mũntũ agakũra na agatuĩwa mũntũ mũgima wa gũtiirĩrĩra mwĩrĩga. Kĩbĩcĩ gĩtaanagwa gĩgatuĩka nthaka. Nthaka cionka nĩcio ciĩtĩkĩrĩrĩtue kũbikania, kũgaĩrwa ĩgai, na kwĩthuurĩra maũntũ atĩ njarani cia aciari. Nthaka nĩcio cietĩkagĩrĩrua gũcũũnga ncũngo ya Mwĩnjĩro.

Chuka Drummers
Aini ma Mwĩnjĩro magĩcũũnga mũthenya wa Kwamũra Mbuku ya Ruka na rũthiomi rwa Gichuka tarĩki 28 Mweri wa Mbere 2017 kĩbaaroni gĩa Chuka PCEA.

Achuka marĩ ĩgweta ĩnene mũno nĩ ũntũ wa ncũũngo yao ĩrĩa ĩtagwa Mwinjĩro. Ĩno nĩyo ncũngo ya mwĩnjĩro.

Original Chuka Drummers - Mucii - The Singing Wells project

Mbere ya nthaka ĩbikania, rũraio nĩrũrutagwa na rũkanenkerwa kũrĩ mũciĩ wa mwarĩ. Mũntũ mũrũme nĩwe egucaga arĩ kĩongo kĩa mũciĩ. Wĩra wa aka nĩ kũruta mawĩra ma mũciĩ na kũrera ciana, wana wegua rĩu ũgu, mũntũ mũka wana we nũrutaga wĩra wa kũreta mbeca mũciĩ.

Gĩtene, Achuka ma-rĩ na mĩrĩga yarĩ na ũrito mũno. Mwĩrĩga nĩ gĩkundi kĩa antũ ma mũciĩ ũmwe ũrĩa mwariĩ. Kwogu antũ ma mwĩrĩga ũmwe megucaga marĩ na kaumo kamwe. Mĩĩrĩga yatuĩrĩrwe riĩtwa kũringana na aciari marĩa ma-mbĩrĩrie mwĩrĩga ũnu. Wa mwĩrĩga wa mũchuka wĩgucaga ũrĩ na kĩnyuĩro kĩa u.

Mĩĩrĩga ya Chuka nĩ ĩnoː Ĩgandaĩ, Ĩtarĩ na Mũrobo, Mũcekwa, Ĩgankida, Thona na Ĩbiga, Mũrũrũ, Marũgũ  na Mbũtĩ, Ĩthe Mbugi na Njoguni, Nkui na Gakũya, Ĩgoki na Ũmũtho, Mũnari, na ĩngĩ mĩngĩ. Thuuba ya wĩathi, antũ ma Chuka ma-gaĩrwe ithaka kũringana na mĩĩrĩga nĩ ũntũ nwaka ma-tũranagia bu. 

Wana wegua rĩu ũgu mĩĩrĩga ĩtĩ ĩgweta, antũ ma mũciĩ nĩmatucaga ĩtua rĩa maũntũ mengĩ mũno, mũtũũrĩreni wa mũntũ, mũno mũno maũntũni ma ciatho cia kũbikania, mathiko na ma kũgaa mĩgũnda.

Rĩu ũgu, Achuka nĩ arĩmi ma kĩmera, nĩ ũntũ mĩthetu yao ĩrĩa yumanĩtie na Kĩrĩma gĩa Kĩrĩnyaga nĩ mĩnoru mũno. Ũrĩmi wa biacara wa Mũchuka mũno mũno nĩ wa kũrĩma kaũa na macani. Achuka nĩmakũrĩthia ng'ombe na mbũri cia ĩria rĩa kwendia. Gwokubĩ, Mũchuka nĩ mũntũ mũruti wĩra mũno,  na mũtugani.

Irio

Irio cia Mũchuka wa karaca ciarĩː mũthere, nyoni, mũthũra, ikwa, gĩtwero, kaboco, kĩbĩrĩ na ciĩngĩ mĩngĩ.

Ũũgĩ wa Achuka

Achuka nĩ antũ aũgĩ mũno. Ũũgĩ wa Mũchuka nĩ wonekaga rĩrĩa wathoma nthumo, ntaĩ na nyĩmbo cia Mũchuka. 

Bibinya baba